ليه ابل بتنزل منتجاتها باسعار غالية جداً؟
ليه ابل بتنزل منتجاتها باسعار غالية جداً؟
مش بس غالية دا ممكن في بعض الأحيان توصل لكونها جنونية زي مثلا حامل الشاشة اللي كان نازل بالف دولار والكمبيوتر المبشرة اللي كان بيوصل في اعلى مواصفات ليه ل 50 الف دولار...وليه على الرغم من كدا لسه الناس بيشتروا منتاجتها بالأسعار دي؟
· انخفاض المبيعات.
لان وفقا لشركة جارتنر وهي شركة للأبحاث والاستشارات، بتقول ان المبيعات العالمية في سوق الهواتف الذكية في الربع الأخير لسنة 2018 انخفضت بنسبة 12٪ تقريبًا.
وفي قاعدة شهيرة في البيزنس بتقول عندما تنخفض المبيعات ، يمكنك إما بيع المزيد مما لديك أو رفع سعر ما تبيعه. وده اللي ابل عملته رفعت سعر ما تبيعه
· الخامات
بعض الأسباب اللي بيبرر بيها المتحمسين لأبل ارتفاع أسعار أجهزتها انها بتستخدم ماتريال نضيفة في أجهزتها ماتريال اعلى من أي شركة تانية في السوق
ولكن بعض المهندسين في IHS Markit، دمروا التبرير ده من الأساس لما حسبوا تكلفة الإصدار ال 64 جيجا من iPhone X لقوه بيكلف Apple 370 دولارًا من المواد وهما بيبيعوه بـ 999 دولارًا.
· البحث والتطوير
ابل من اكتر الشركات اللي بتصرف على ابتكار منتجات او تقنيات جديدة...حتى في كل اصدار بتنزله ابل على أي جهاز عندها تلاقي كل الناس مستنية تشوف ايه الجديد
لدرجة ان لو الجهاز بتاعها نزل بنفس مواصفات اعلى جهاز في السوق تلاقي عدد مش قليل من الناس بيسخر من جهازها وازاي هي مش عاملة اختراع في الإصدار ده زي ما حصل في ايفون 12... وعلشان تحافظ على نفس المستوى من التطوير فده بيحتاج مهندسين ومصممين ومختبرين وفرق تسويق وحاجات تانية كتير وكل ده في هذه التكاليف الباهظة.
· البرمجيات
ابل يمكن هي شركة صناعة الالكترونيات الوحيدة اللي بتصنع برامج وأنظمة تشغيل خاصة باجهزتها هي بس...وتحمل شركة واحدة لتكاليف تطوير البرمجيات دي ده مكلف جداً
وبالإضافة للبرمجيات اللي انت بتستخدمها فانت ممكن تدفع فلوس تراخيص برامج انت ما بتحتاجهاش لكنها بتيجي مثبتة على الجهاز.
على عكس معظم أجهزة الكمبيوتر اللي بتشتغل بنظام Windows، اللي ما بيبقاش مضاف على سعرها تمن أي برمجيات خالص وفي معظم الحالات حتى بتيجي من غير نظام التشغيل فانت بتدفع تمن قطع الهاردوير فقط، وبعد كدا انت بتشتري البرامج اللي انت محتاجها بس بشكل منفصل وبالتالي ما بتحسبش ده من تكلفة جهازك...
· الـ brand
عمرك شوفت صاحبك متصور بصورته في المرايا علشان يظهر لوجو هواوي على ظهر الموبايل بتاعه؟
سواء تتفق او تختلف مع المبدأ بس المفاجاة ان
** المستهلكون على استعداد للدفع مقابل لوجو ابل**
· العامل اللي بعد كدا الـ Apple eco system
لو انت من محبي Apple ، فأنت عارف ان في نظامًا لتكامل منتجات ابل مع بعضها كله شغال مع كله.
على سبيل المثال انت ممكن تروح عند صاحبك وتسجل باسورد الواي فاي على موبايل وبعد يومين تروح عنده باللاب الابل فتلاقي اللاب جاب باسورد الواي فاي اي من الايفون واتصل تلقائي...واشكال تانية كتير اووي من الترابط بين الأجهزة ده اللي معمول لراحتك واللي بالتأكيد مصروف عليه علشان يطلع بالشكل ده...فبالتالي انت بتدفع له.
· خدمة العملاء
هناك أيضًا فكرة أن منتجات Apple أعلى جودة وأكثر أمانًا من الشركات التانية. وللانصاف Apple من الشركات اللي بتراعي بشكل كبير عملاؤها وبتقدم لهم الدعم اللازم لما بيحتاجوه وده بيدي المستخدم ثقة اكبر في الشركة، والثقة دي بتولد نوع من الولاء من العميل للشركة، وبالتالي بيدفع لها فلوسه وهو متطمن.
بالإضافة إلى ذلك ، لطالما اشتهرت Apple بامتلاكها وسائل حماية أمنية أقوى من الشركات الأخرى. كان هناك وقت اعتقد فيه المعجبون أن المتسللين لن يحاولوا العبث بجهاز Mac لأنه شبه مستحيل.
ولما اتسأل تيم كوك الرئيس التنفيذي لشركة ابل في برنامج "Good Morning America" عن ارتفاع سعر جهاز الايفون
قال إن أحدث اصدار من iPhone هو الأكثر تقدمًا على الإطلاق. ووصفه بأنه جهاز iPhone قادر يغنيك عن أي جهاز الكتروني اخر.
فالجهاز خلاني استغنيت عن الكاميرا الديجيتال بتاعتي، وخلاني استغنيت عن مشغل الموسيقى بتاعي لانك قادر تشغل عليه الموسيقى سواء في الايربودز او على سماعات apple home.
"وبالتالي يمكن القول أن المنتج مهم حقًا. ووجدنا أن الناس يريدون أن يكون لديهم المنتج الأكثر ابتكارًا، فبالتالي من الطبيعي انه لن يكون رخيصاً. "
فالمذيع قاله يا عم كوك بس مش اووي كدا 1500 دولار في تليفون كتير برضو
ده ممكن يكون صح ، انا كمان مش هبقى مبسوط لما ادفع 1500 دولار في منتج. لكن انت مش لازم تشتري اعلى نسخة من الجهاز في قدامك خيارات اقل ممكن تشتريها...
الخيارات اللي هي ب 1000 دولار.
سواء بقا كنت تتفق او تختلف على أهمية الميزات دي وهل هي فعلا تستحق الثمن ده ولا لا...فانت قدامك أجهزة تانية بسعر اقل وعندك حاجات تانية ممكن تعملها ببلاش زي مثلا انك ممكن تنزل تشترك في القناة وتفعل الجرس علشان يوصلك اشعار بالحلقات الجديدة...واشوفكم على خير...
ليست هناك تعليقات